Joseff's Pov:
"Sir!" Hindi pa man ako tuluyang nakakapasok sa Precinct 5 ay kaagad na sinalubong ako ni Nick. Mukhang hinintay n'ya talaga ang pagbabalik ko.
"Any updates?" tanong ko habang mabilis na naglakad patungo sa loob ng presinto.
"Wala pa, Sir." Sumabay s'ya sa akin sa pagbaybay sa hallway ng presinto patungo sa silid ng deparrment namin. "Hanggang ngayon ay hinahanap pa rin ang sasakyang nakita sa parking lot ng JQ. Caniaveral."
Inis na napailing na lang ako. Inaasahan ko namang mangyayari ito pero hindi ko naisip na ganito kabilis. Hindi ko alam pero pakiramdam ko ay nababasa ng informant ang kilos namin.
At bakit si Sherwin ang inuna n'ya? Dahil ba sa lahat ng natitira ay ang isang iyon ang vulnerable?
Wala sa katinuan si Sherwin. Ni hindi na nga n’ya makilala ang
