Khylle’s Pov:
“Sigurado ka bang sa ospital na tayo pupunta? Hindi ba at mas mabuti kung susunod tayo sa kanila sa presinto?” tanong pa rin ni Rico kahit na nasa sasakyan na kami at kasalukuyang tinutungo ang daan pabalik sa ospital.
“Oo. Doon na tayo didiretso, mas makakabuti ito sa kaso,” sagot ko habang binabasa ang mga nakasulat sa journal na hawak ko. Ang mga iyon ang inihanda kong tanong para kay Fabio sa oras na magising s’ya at hindi ko inakalang magagamit ko kaagad ang mga ito ngayon.
“Hindi sa nagdududa ako sa desisyon mo, Khylle.” Maging si Brian ay sumeryoso na rin. “Sa mga ganitong pagkakataon kasi ay mas pipiliin ng isang reporter na i-cover ang mangyayari sa presinto dahil na rin sa iyon ang aabangan ng publiko.”
Mula sa binabasang notebook ay inilipat ko sa kanila ang m
