Khylle's Pov:
"Hindi mo man sinasadya ay nagiging pabigat ka sa bawat imbestigasyon ng department nina Detective Joseff," pagpapatuloy ni Brixx. "At walang nakakaalam kung ano pang uri ng cold case ang iimbestigahan nila. Paano na lang kung dumating sa puntong kailangan nilang mamili? Hahabulin ba nila ang kriminal o ililigtas ka dahil naging bagahe ka na naman nila?"
Napayuko ako. Nadakot ko ang kumot na tumatakip sa akin. Masakit ang paraan ng pagkakasabi n'ya sa mga iyon ngunit may katotohanan ang mga salitang binitawan n'ya.
"Kaya bago pa man mangyari ang bagay na iyon ay kailangan mo nang umalis. Hindi lang ito para sa kaligtasan mo kundi para na rin sa mga detective na nasa department ng cold cases," dagdag n'ya.
"Walang ibang magdedesisyon sa department ko kundi ako lang."
Nap
