Khylle's Pov:
May kadiliman na nang makarating kami sa bayan ng Labreska. Hindi nga lang dahilan ang pagtatakip-silim upang mawalan ng tao sa bawat lansangan ng bayan. Kaliwa't-kanan yata ay may mga tao akong nakikita na abalang-abala sa kung ano-ano.
Napatutok ang mga mata ko sa mga taong nagsisigawan at nagkakasiyahan sa tila pinaka-plaza ng lugar. Marami ang mga taong nagkakatipon doon at lahat sila ay makikitaan ng ngiti sa mukha. May mga palaro at ilang game booth din akong nakita na nakapaligid sa plaza. Bukod doon ay marami pang stall ng mga pagkain na nasa kabilang gilid naman ng plasa.
Nang lampasan namin amg plasa ay kaagad kong nakita ang malaki at gawa sa marmol na simbahan ng mga katoliko. Mabagal lang ang takbo ng sasakyan ni Detective Joseff pero pakiramdam ko ay nangalay
