HAPPY SUNSHINE'S POINT OF VIEW
“Ano? Hindi ka man lang ba magsasalita? Magpapaliwanag?” sambit ko habang nakatalikod kay Maxim.
Nasa loob na kami ng condo ngayon. Nauna siyang pumasok at sumunod lang ako. Hindi ko rin siya agad kinausap dahil inuna ko munang linisan ang mga tumulong dugo ni Yakov sa sahig.
Kawawang Yakov... sana ay ayos lang siya't hindi gaanong malala ang natamo niya.
Naka-decuatro ako sa sofa habang si Maxim ay nakaupo sa favorite spot niya't humihithit ng vape na mukhang vanilla flavor.
Nakapatong pa ang kaliwang braso niya sa sandalan ng sofa at nakatuon naman ang atensyon niya sa monitor na naka-open at ang palabas ay isang drama movie.
Matiim lang ang titig ko kay Maxim. Nanghihingi ng explenasyon sa lahat, pero mukhang wala itong planong sagutin ako.
“An
