Jealous
Naging usap-usapan sa camp ang pagiging malapit ni Lhuella at Harel. Gustuhin ko mang iklaro ang namamagitan sa kanilang dalawa pero sa tuwing nakikita ko si Harel ay napanghihinaan ako ng loob na kausapin siya. Nilalamon ako ng buo ng galit niya kaya hindi ko man lang siya magawang lapitan.
Duwag. Oo, isa akong malaking duwag dahil hindi ko man lang siya magawang kausapin. Hindi ko magawang ipangalandakang asawa ako ng Delafuenteng iyan. Paano ko siya ipagmamalaki sa oras na 'to kung alam kong galit siya sakin?
Hindi ko mabilang kung nakailang buntong hininga na ako habang nakahiga dito sa tabi ng pinsan ko. Ni hindi ko na nga ito natanong kung ba't ang tagal niyang nakabalik kanina sa Youth Camp. Saan na naman kaya ito nagsuot?
Napatihaya si Aly sa pagkakahiga habang nasa
