Chapter 60
Awkward. Iyon ang pinakaakma na salita na maglalarawan sa aming dalawa ni Chuck. Wala siyang imik habang tumutulong sa kusina. Tanging maririnig lang ay ang ingay ng mga kitchenwares na ginagamit. Hindi ko alam kung paano ako nakapagluto nang maayos dahil hindi ako sanay na ganito kaming dalawa.
Hanggang sa dumating si Mamita at magsimula na kaming kumain ng hapunan. Doon ay medyo nabago ang pakikitungo niya sa akin na tila ba ay bumalik kami sa dati. Naging sweet ulit siya at nakuha pa niyang lagyan ng pagkain ang plato ko na parati na niyang ginagawa noon.
Mababanaag ang saya sa mukha ng anak kong si Clint habang kumakain ng hapunan. Sports at music ang pinag-uusapan nila ni Chuck, politics naman ang bukambibig ni Mamita. At dahil wala akong interes sa pulitika, ay panay l
