Chapter 58
Umaga na nang magising ako. Tamad na tamad akong bumangon. Kung hindi tumunog ang aking sikmura ay hindi ako bababa para kumain.
Sa bungad pa lang ng kusina ay pansin ko na ang pagngiti ni Clint. Nakaupo siya, hawak ang cellphone at tila may binabasa roon. Sa harap niya ay may nakahaing sinangag at pritong iltog.
"Bakit 'yan lang ang almusal mo?" tanong ko. "Wala na bang natirang pagkain kagabi?"
"Naubos ng bisita mo," tugon niya nang di inaalis ang paningin sa hawak na gadget. "Kumakain ako kagabi nang dumating, e. Nakakahiya naman kung hindi ko aalukin maghapunan."
"Ha? Ang dami kong niluto, ah."
"Yup!" Uminom na siya ng tubig saka tumayo at humalik sa pisngi ko. "I have to go, mom. May lakad kami ng mga kaklase ko." Tumalikod na siya. "At ubos na rin pala ang apple pie
