Chapter 56
VIOLETTA…
KINAUMAGAHAN tinanghali ako ng gising, kaya hindi na ako nagulat na wala na ang anak ko sa tabi ko pagmulat na pagmulat pa lang ng mga mata ko. Maagang nakatulog ang anak ko kaya maaga rin siyang magigising. Hindi naman ako natatakot na baka may mangyaring Hindi maganda sa anak ko. Alam na niya kung ano ang gagawin niya sa mga ganitong sitwasyon.
Pero ang nakagulat sa akin talaga, ay ang nabungaran ko paglabas ko ng kwarto. Mabubungaran mo lang ang isang naglalakad na pandesal sa sala ko.
Bakit nakakakita ako ng hubad na pandesal sa loob ng bahay ko?
Paninindigan ko na ang pandesal, agahan pa lang naman ngayon. Kape na lang ang kulang may agahan na ako.
Napanganga ako habang nakatingin sa lalaking walang saplot pang-itaas na naglilinis ng buong bahay ko kasama
