Para akong nanood ng isang pelikula kung saan ay reunion ng dalawang bidang pinaglayo ng direktor ang eksena.
Sa paraan ng pagkakayakap ni Dok Ace at pagtugon niya sa halik ni Vivien ay parang gusto kong um-order ng private room para sa kanilang dalawa.
Ako iyong nahihiya sa kanila, mabuti na lang talaga at konti lang ang tao rito sa restaurant at medyo nasa sulok kami.
Sabik na sabik si Dok at wala yatang balak lubayan itong 'he' niya na kakilala ko pala.
Ang liit talaga ng mundo at sa dinami-dami ng pwedeng kabaliwan ni Dok Ace ay ang pinsan pa talaga ni Phil. Ngayong napag-alaman ko na ito pala ang pinagmalaki ni Dok Ace na mukha pang babae sa ibang kakilala niyang tunay na babae ay di na ako tututol kung ako iyong babaeng kinukumpara niya rito dahil totoo namang hamak na mas maali
