CHARMAINE
Hindi pa man ako nakakadilat ay ramdam ko na agad ang pangingirot ng buong katawan ko. Para bang isang galaw ko lang ay mababali na ang mga buto ko, hindi naman sa pag-iinarte pero ganoon talaga ang nararamdaman ko ngayon. Ang bigat pa ng mga mata ko na para bang nanggaling ako sa isang maghapon at magdamag na pag-iyak. Habang inaalala ko kung ano ang rason kung bakit ganito ang nararamdaman ko ngayon ay tsaka ko na lang din natandaan ang buong pangyayari kahapon, mula pa noong nakarating kami sa bahay ni Yve, ang pagdakip sa akin, ang pagkawalang bisa nung singsing, at pati na rin ang pagdating nina Caleb at Jayden sa kung saan ako dinala nung mga kalalakihang iyon. Hanggang ngayon ay hindi ko pa rin matanggap na si Yve pala ang may sangkot sa lahat ng iyon, pero kung hindi rin
