CHARMAINE
Mula pa nung itanong sa akin ni Caleb iyon ay wala na kaming sunod na napag-usapan pa, hindi ko kasi sinagot ang tanong niya kaya medyo awkward na rin ang aura namin parehas. Kaya ang ginawa na lang namin ay pareho na lang kaming nagpatuloy sa aming pag-ubos ng aming mga pagkain hanggang sa tuluyan na nga kaming natapos. Hindi pa naman ako makapag-decide kung ako na ba ang magkukusang magligpit ng aming pinagkainan o hintayin ko na lang siya ang gumawa niyon, mabuti na lang ay sumulpot si Ate Ann sa kusina kaya pinaubaya na namin iyon sa kanya. Hindi ko naman inaasahang pupunta si mama sa kusina at halos hindi ko na rin siya napansing tumabi sa kinauupuan ko. "Charmaine," bigkas niya sa aking pangalan na para bang nakikiusap na siya kaagad kahit pa wala pa naman siya sinasabi. S
