CHARMAINE
Katulad na nga ng sinabi ni Caleb kahapon ay pumayag akong makipagkita sa kanya ngayong araw dahil wala rin naman kaming klase ngayon. Binanggit din kasi niya na makakatulong din sa akin kung magpapalipas ako ng oras sa isang lugar na kung saan ay wala akong memorya tungkol sa pagsasama naming dalawa ni Jayden bilang magkaibigan. May point naman din siya at nagkakaroon din talaga ng sense sa akin na ang makakapawi nga lang sa isipan ko tungkol kay Jayden ay ang paglalakbay sa hindi pamilyar na lugar sa akin. Kaya, pagkabangon na pagkabangon ko pa lang mula sa aking kama ay hindi na ako nag-abalang mag-asikaso ng aking sarili. Wala rin namang makakain at wala rin naman akong ibang madadalang gamit, tanging ang sarili ko lang ang dala-dala ko sa aming pupuntahan ni Caleb. Ni hindi
