CHARMAINE
Pakiramdam ko ay sasabog na ang utak at puso ko sa sobrang kaba ko ngayon. Nararamdaman ko na rin na pinagtitinginan kami ng ibang mga taong nasa canteen kaya mas lalo pa akong naiilang. Naaagaw naming dalawa ni Caleb ang atensyon ng karamihan sa mga naririto at hindi ko naman alam kung ano ang bigla na lang pumasok sa isipan nito. “A-ano ba, Caleb?” Napahawak ako sa kamay niya sa pagbabakasakaling maaalis ko iyon, pero mas lalo lang niya tinitigasan ang paghawak niya sa baba ko, kaya kahit pa doblehin ko na ang lakas ko ay wala pa rin akong palag laban sa kanya ngayon. Kaya sumuko na lang ako at inilapat ko na lang ang magkabilang kamay ko sa ibabaw ng aking hita.
Napansin ko sa gilid ng mga mata kong gusto akong tulungan ni Jayden pero mas pinipili niyang huwag makialam. “Cha
