BASHA
Tilaok ng manok ang gumising sa akin. Ngunit napabangon ako nang wala na si Thadd sa tabi ko. Inayos ko ang higaan at lumabas na ako.
"Ma? Si Thadd po?" usisa ko nang maabutan ko siyang nagluluto sa kusina.
"Nasa poso nag-iigib ng tubig. Nakita niya kasi akong may bitbit na timba para sa banyo. Ayon siya na lang daw--"
"Po?" hindi makapaniwalang tanong ko. Kaagad akong lumabas ng bahay upang magtungo sa poso na may kalayuan dito. Wala kasi kaming sariling linya ng tubig kaya sa poso talaga ang igiban namin.
Napatigil ako sa paghakbang nang makita ko siya sa poso. Nilalagyan niya ng laman ang mga balde. Mga balde ng kapitbahay?
"Pogi, kami din!" bulalas ng isang babae na parang sinubsub sa kamatis ang pisngi.
"Sige isunod mo na lang sa dulo." magiliw na sabi ni Thadd sa ka
