Kinabukasan maaga pa lamang ay tulala na ako sa harapan ng salamin. Sa loob ng dalawang buwan marami na ang nagbago sa buhay ko. Muntik na akong mawalan ng ina, nalaman ko ang tunay kong pagkatao at ang tunay kong ama. Nalaman ko din ang secreto na twenty three years na itinago ni ina. At ngayon, buntis na ako at ikakasal sa isang bakla. Yun din ang dahilan kung bakit hindi ko magawang makatulog kagabi. Madami kasing tumatakbo sa utak ko. Lalo na yung sinabi sa akin ni Thaddeus na kahit anong mangyari ay huwag na huwag ko siyang mamahalin, pati na rin ang sinabi sa akin ni Sir. Diego na hindi kayang magmahal ni Thaddeus ng isang babae. At kaya lamang niya ako ginalaw ng gabing yun ay dahil sa gamot na pina-inom sa aming dalawa.
Napabuntong hininga ako sa harapan ng salamin. Nagsimula ako
