Nang makaalis na si Tricia ay biglang nakaramdam ng lungkot si Mark. Lungkot dahil sa hindi man lang niya natulungan ang kaibigan ni Tricia. Sana man lang bago pa man may nangyari sa kaibigan nito ay nakita muna niya ang kanyang pangitain na may masamang mangyayari sa dalaga. Hindi 'yung kung kailan tapos na saka lang siya nabigyan ng babala ng itim na libro. Nagkibit-balikat na lang siya dahil wala na rin naman na siyang magagawa. Ang tanging maitutulong na lang niya sa ngayon ay ang masabi niya ang buong detalye ng pagkamatay nito. Ang magiging problema nga lang niya ay kung may maniniwala sa sasabihin niya.
Bumalik na muna siya sa loob ng bahay. Bago siya umakyat ng hagdan ay napansin niya ang isang lalaki na nakatingin sa kanya mula sa gate. Mukhang bago lang ito sa lugar nila. At sa
