Habang himbing na himbing siya sa pagtulog ay hindi na niya namalayan na bumukas ang pinto ng cabinet. Sa sarap ng tulog ni Mark ay nanaginip na naman ito ng kakaiba at nakakakilabot. Halos umungol ito dahil sa kanyang napapanaginipan. May isang babae sa kanyang panaginip na sumusunod sa kanya kahit saan siya magpunta. Sa takot niya sa babae ay pilit siyang tumatakbo sa panaginip para hindi siya malapitan nito. Sa panaginip ni Mark ang babae ay duguan at walang ulo.
Pilit niyang iniiwasan ang babae ngunit kahit anong takbo niya ay parang nasa likuran pa rin niya ito. Sa pakiramdam niya ay tumatakbo siya pero ang totoo ay nakapirmis lang pala siya kung saan siya nakatayo. Halos habulin na niya ang kanyang hininga dahil sa sobrang kaba. Pero nang mapalapit siya sa babae ay hindi na siya na
