"Bakit masama ka bang tingnan? Ang cute mo kaya!"
"Cute ka riyan? Kumain ka na nga lang diyan."
Halata sa mga mata ni Tricia ang pagkabighani sa binata. Tuwang-tuwa ito habang pinagmamasdan ang pagsubo ng kaibigan. Kung si Mark ay abala sa pagkain, si Tricia naman ay binabagabag pa rin ng kanyang nakita. Hindi maalis sa kanyang isip ang itsura ng lalaki. Mula noon hanggang ngayon ay iisa lang ang itsura nito. Ni hindi man lang ito tumanda. Kapansin-pansin naman ang pag-aalala ng dalaga. Nakatulala na naman ito habang nakatitig lang sa kanyang plato. Nang mapansin ito ni Mark ay tinapik siya nito sa balikat.
"Uy! Sabi ng mamaya mo na lang isipin 'yung nakita mo, eh. Kumain ka na muna. Ang tigas talaga ng ulo mo, Tricia."
Napatingin na lang ang dalaga sa tinuran ng kaibigan sa kanya. At
