UMUWI si Lorelei na hindi kasama si Andrei. Sobrang naiinis talaga siya sa lalaki at ayaw na muna niya itong makita. Panay rin ang singhot niya at palis ng mga luha niyang ayaw paawat sa paglabas mula sa mga mata niya.
Mula sa rearview mirror ng sasakyan ay nakita niyang panay rin ang sulyap sa kaniya ni kuya Jaime. Pero hindi naman ito nagtanong. Itinuon na lang din niya ang tingin sa labas ng bintana.
Tumigil lang siya sa pag-iyak nang makarating sila sa mansion.
"Manang, si baby Toby?" tanong niya kay Manang Tina nang makita niya ito sa may sala pagkapasok niya sa mansion.
Nagulat pa ito at mataman siyang tinititigan. Alam niyang alam nitong kagagaling lang niya sa pag-iyak pero pinili nitong manahimik.
"Nasa kuwarto niya kasama ang yaya Melinda niya." sagot naman nito. "Nasaan si
