"Alam na kaya ni Silas Aguarde na dadalo ka?" tanong ko sa asawa ko habang inaayos ko ang maskarang suot n'ya. Saka pinaglandas sa balikat nito ang palad ko. Pareho na kaming nakaayos nito. Dahil maaga pa'y nakapagpakulay pa ako ng buhok. Dahil masyadong agaw eksena iyong blonde na buhok ko na siyang kulay ng buhok ko no'ng nasa Apolina kami ni Hunter.
Ngayon ay black na, tuwid na tuwid, na inilugay lang. Makapal din ang makeup ko, nagsuot din ng contact lenses, saka pulang-pula ang labi.
Ang gown na suot ko ay hapit na hapit sa katawan ko. Mahaba rin ang slit ng gown. Ang kulay pink na gown ay pinaresan ko rin ng pink na heels.
"That's for sure. Hina-hunting n'ya ako para ipilit pa rin ang project na tinanggihan ko na." Dinampot ni Hunter ang maskarang kaparehas ng kanya. Kulay puti iy
