PAG-USAPAN ang totoo naming relasyon? Noon ko pa gusto, noon ko pa gustong linawin ang lahat sa pagitan namin ni Tyron pero siya naman ang may ayaw. Noon, siya ang umaayaw sa tuwing sinusubukan kong isentro ang usapan sa kung ano ba talaga kami. Sa loob ng ilang buwan na magkasama kami, tila ba sapat na sa kanya ang status quo—ang maging magkasintahan kami sa mata ng publiko, ngunit walang malinaw na label o direksiyon ang aming relasyon. Ang pakiwari ko, takot siyang pangalanan ang mga bagay-bagay dahil baka may kailangan siyang panindigan. Pero ngayon, ngayong ako naman ang ayaw munang pag-usapan ang tungkol doon—siguro dahil sa pagod na ako sa kakahintay o dahil may bahagi sa akin na ayaw nang masaktan sa mga posibleng pagdududa—ay saka naman biglang brining-up ni Tyron ang usapin. Hind
