"NAKU! Malas 'yan, 'Neng."
Napataas ang dalawang kilay ni Fiony nang punahin siya ng matanda. Kasalukuyan siyang nasa bahay nina Nanay Salome. Nainip siya sa apartment ni Steve dahil walang magawa. Basta lang siya pumasok doon at naabutan niya ang matanda na may ginagawa sa kusina.
"Ang alin po?" maang niya.
"Ayan nakapangalumbaba ka."
Sa narinig ay tinanggal niya nga ang mga kamay na nakapatong sa kaniyang baba. "Ay, may gan'on pala?" pabiro niya pang sabi.
"Ba't nandito ka?" tanong nito pagkuwan.
Umiling-iling siya. "Naghahanap po ako ng makakausap."
"Ang asawa mo?"
"Po?" Muling nagdilat ang mga mata niya.
"Si Steve. Ika mo 'di ba, may nangyayari sa inyo noon, delayed ka, baka buntis ka. Tapos nagsasama kayo ngayon, eh 'di asawa mo na 'yon."
Sumilay ang pilyang ngiti sa mga la
