"HUWAG mo sanang masamain ang nangyari kanina." Natigil sa pagpupunas ng lamesa si Steve nang marinig ang boses ni Rigor. Kalapit niya lang ito na nagma-mop naman ng sahig. Wala pang masyadong customer nang mga sandaling 'yon dahil kabubukas pa lang ng bar.
"Wala naman akong sinabi," simpleng tugon niya. Wala naman talaga siyang sama ng loob sa mga ito. Dahil hindi naman nila kasalanan kung napaniwala sa mga kuwento ng babaeng 'yon.
"Pero curious ako, pare. Totoo ba 'yon?" tanong nito saka mas lumapit sa kaniya. Tumigil pa ito sa ginagawa.
"Iyong mga sinabi ko ang totoo," aniya saka lumipat ng ibang mesa.
But he was still a bit skeptical kung totoo ba ng pinagsasabi ang babaeng iyon. Kung totoong nanganganib ang buhay nito. But seeing how desperate she was na huwag mapaalis sa poder ni
