"SANDALI. Ano ho bang sinasabi ninyo?" naguguluhang tanong ni Steve. Nagulantang na lang siya nang bigla siyang sampalin ng matanda pagbukas niya ng pinto. Kung ano-anong mapanlait na salita ang pinagsasabi nito sa kaniya. Hindi raw siya tunay na lalaki. Iresponsable, gago, tarantado, mapagsamantala. Matapos daw niyang gumamit ng babae ay basta na lang niyang itatapon kapag nagsawa na. Parang nagpapalit lang daw siya ng damit.
But he had never done that buong buhay niya. Nagka-girlfriend man siya noon pero never siyang nang-iwan sa ere at... wala pa siyang babaeng nabubuntis!
"Akala ko, napakabait mong tao. Kaibigan ka pa naman ng anak ko. Tinulungan ka pang makahanap ng trabaho. Pero may natatago ka pa lang kamunduhan diyan sa katawan mo. Hindi ka na nahiya. Kaganda-gandang bata, minol
