"MGA KUYA, dito na lang 'yan!" Itinuro ni Fiony ang gilid ng pinto ng kuwarto na parte rin ng kusina. Sumunod naman agad ang dalawang lalaking usong sa pagbubuhat ng refrigerator na binili niya.
"Okay na ba, Ma'am?" tanong ng isa matapos maipuwesto roon ang ipinag-uutos niya.
Nag-thumbs up siya. "Okay na po, thank you."
Sumunod naman niyang hinarap ang dalawang lalaki na may bitbit ng flat screen tv. Itinuro niya ang gitnang bahagi ng dingding ng sala na walang nakasabit na kahit ano. Doon niya iyon ipinakabit. Habang gumagawa ang mga ito ay may mga nag-aayos din ng wifi. Sinabihan pa niya ang mga ito na huwag masyadong maingay dahil may natutulog sa kuwarto. Dahil wala siyang magawa nang araw na 'yon, kung ano-anong pumasok sa isip niya magkaroon lang ng mapagkakaabalahan sa buong ara
