NANLAMIG ang pakiramdam ni Steve. Tila tumigil sa pag-ikot ang mundo niya. Lalo na when he felt that sticky lips Fiony pushed towards his cheek. Tumagal iyon ng ilang segundo. Idiniin pa talaga nito ang labi sa balat niya. Na nagdulot ng kakaibang kilabot sa buong pagkatao niya.
"Pagbigyan mo na, p're. Na-miss ka yata ng asawa mo!" Narinig niyang kantiyaw ng mga katrabaho niya. Wala silang pasok ng gabing iyon dahil dini-disinfect ang buong bar. Mula nang magkaroon ng pandemic ay every three months na raw talaga iyong dini-disinfect. At nagkayayaan mag-inuman sa bahay nina Rigor.
"Oo nga. Aba! Kung ako may ganiyan kaganda at seksing asawa, aaraw-arawin at gagabi-gabihin ko 'yan!" sabi pa ng isa na mas lalong ikinainit ng pisngi niya. Tinanggal niya ang mga kamay ni Fiony na nakapulupot s
