MULI niyang pinasadahan ang kanyang sarili sa salamin, hindi maitatago ng kanyang maamong mukha ang kabang nararamdaman niya ngayon gayunpaman ay kailangan niyang maging presentable sa harap ng maraming tao.
Today is the Grand opening of BlankSpace, nasa restaubar na ang kanyang mga kaibigan at tanging siya na lang ang hinihintay para masimulan na ang aktuwal na pagbubukas ng BlankSpace. Imbitado din ang kanyang mga dating kaklase at mga kaibigan, kaya naman ay mas nadagdagan ang kanyang kaba. Paano na lamang kapag naulit na naman ang pamamahiya ni Kevin sa kanya? Sana naman wala ng ganoong tagpo sa gabing ito.
Isinuot na niya ang kanyang kwentas at tiningnan ulit ang repleksiyon niya sa salamin. Bumagay sa suot niyang A-dress style ang kwintas na suot niya. Lumamlam ang kanyang mga mata
