NAPAKUNOT-NOO AKO DAHIL biglang sumakit ang ulo ko. Dumilat ako nang maalala ko ang lahat ng nangyari, ngunit kinabahan ako nang bumungad sa paningin ko ang sarili ko na nakapinta sa kisame at hubad. Ginalaw ko ang katawan ko ngunit nagtaka ako nang hindi ko maigalaw ang mga ito. Napatingin ako sa kamay ko at napasinghap ako nang makita na nakagapos ang mga ito at kinabahan ako dahil naunawaan ko na kung nasaan ako. Tumingin ako sa mga paa ko na nakagapos din kaya hindi ako makagalaw.
“Parang maganda ang iyong naging tulog, wife.”
Napatingin ako bigla sa paligid para hanapin kung saan nanggaling ang tinig ni Jam. At halos matakot ako nang makita siya na nakaupo sa tila tronong upuan habang nakamaong na pantalon at hubad ang pang-itaas at may suot siyang roba na kulay itim. Para siyang g
