SINIMULAN ko na ang next phase ng aking plano. Tumawag ako sa isa sa mga taong kinamumuhian ko.
“Sino ‘to?” tanong ni Pietro Montecillo sa kabilang linya. Nasa payphone ako noon para hindi ma-trace ang aking tawag. Bitbig ko si Pasquale na natutulog. Sinadya kong patulugin muna siya bago ako nag-dial sa kanyang lolo.
“Kung gusto mo pang makita ang apo mo, makinig ka at sundin ang lahat ng sinasabi ko.” May diin ang boses ko ngunit mahina ito upang hindi magising ang bata.
“Sino ka para diktahan at takutin ako?” Gusto kong tumawa ng malakas ngunit nagpigil ako.
“Ako lang naman ang may hawak ng buhay ng apo mo. Buksan mo ang image na ipinadala ko.” I pressed send on the other phone I was holding. Isang dummy account sa social media. Pinadalhan ko siya ng kaisa-isang
