Kabanata 68
SA PAGTULOG niya'y hindi maganda ang kaniyang naging panaginip. Naroon siya sa kalangitan habang pinagmamasdan ang kalupaan sa ibaba na nilalamon ng itim na apoy. Maririnig mula sa ibaba ang pagpalahaw ng mga taong natutupok ng apoy. Humihingi ng tulong sa kaniya. Sinubukan niya namang pumaibaba ngunit hindi naman siya makakakilos. Nalaman niya na lang kung bakit nang tingnan niya ang kaniyang sarili. Mayroong pumipigil na mga kamay sa kaniyang mga braso't paa. Lumingon siya nang malaman niya kung sino iyon. Nanlaki na lamang ang kaniyang mga mata nang sumalubong sa kaniya ay tatlong taong kamukha niya. Nakapikit lamang ang mata ng mga kamukha niya habang hawak siya. Sa pagtitig niysa mukha ng nasa pinakagitna bigla na lamang nitong binuksan ang mga matang walang balintataw na mayroong kas
- Writer
