Katatapos lang ni Sarrah kausapin ang Inay niya na nasa Aurora na ngayon. Binilinan niya na ang Itay niya na huwag itong palalabasin at huwag makikipag-usap kung kani-kanino. Tama si Gigi Punzalan, mahina ang loob ng Inay niya kaya madaling malinlang ni Belen. Siya ay natuto na at naging matapang na mula nang mahalin niya si Dylan.
Nag-hot shower siya sa banyo dahil hindi niya binuksan ang aircon niya maghapon. Binuksan niya lang ang venetian blinds para pumasok ang sikat ng araw sa silid. Nagbasa-basa siya ng mga librong nasa shelves para may pagkaabalahan siya maghapon. Binuksan niya ang TV para makapanood naman ng balita at para na rin mahanap niya ang antok.
Napakalaki ng kama at ang lambot ng mga unan. Noong una'y hindi niya gusto ng ganito kalaking bahay na ang silid pa lang ay kas
