Maaga silang nakauwi sa bahay nila Ariana kaya hindi niya alam ni Troy kung paano niya bubunuin ang oras nang walang ginagawa. Alas nueve pa lang ng gabi. Sa uri ng lifestyle niya ay ala una pa siya aantukin. Gusto niyang bumalik na kaagad sa Albano Hotel at uminom sa isa sa mga bars doon pero mahigpit ang bilin ng Papa niya na huwag iwanan si Ariana na mag-isa. Nag-day off daw kasi ang katulong at bukas na ng umaga ang balik nito.
Nagtungo siya sa kusina para maghanap ng maiinom. Mahilig din daw magpunta sa bar ang Papa niya at si Sol kaya ibig sabihin ay mahilig ding uminom ang Mama ni Ariana. Siguro naman ay may naitatabi itong kahit red wine sa ref o sa mga estante doon.
Nakahanap naman siya ng red wine. May Johnnie Walker pa nga. Pero dahil ang red wine ang nakabukas at baw
