Halos dalawang oras nang nakaalis si Marco ngunit wala pa rin siyang sagot sa mga texts ko sa kanya. Maging ang ate ko ay hindi ko rin matawagan. Na-lowbatt na ako at lahat ngunit ni isang text man lang ay wala akong natanggap mula sa kanila.
Iba na ang kaba ko nang makapag-charge na ako at lahat ay wala pa rin silang sagot.
"Ano ba ang nangyayari sa'yo at hanggang sa loob ng kuwarto ko ay naririnig ko ang pagpa-panic ng isipan mo?"
Si Mara ang napagbuksan ko ng pintuan ng kuwarto ko. Halos madapa pa naman ako kanina sa pagtakbo para lang mapagbuksan ko agad ang kumakatok. Ang akala ko kasi ay isa kina Marco at Yuri ang dumating.
"Pasensya na po. Ang Itay at Kuya ko po kasi," paghingi ko ng paumanhin sa kanya habang nakasunod sa kanya na pumasok sa kuwarto ko.
"At nagpumilit si Ma
