Nagmulat ako ng mga mata at kaagad na nasilaw sa liwanag na sumalubong sa akin.
Naramdaman ko ang sunod-sunod na presensiya ng mga arkanghel sa tabi ko dahilan upang muli kong buksan ang aking mga mata. Sumalubong sa aking paningin ang napakalawak na hardin. Napakatiwasay ng lugar at punung-puno ito ng naggagandahan at humahalimuyak na mga bulaklak. Sa 'di kalayuan ay ang mayayabong na mga puno na hitik sa kanilang bunga.
Ang Hardin ng Eden. Ito ang lugar na kinaroroonan namin ngayon. Nakakaintinding napatango-tango ako.
Tama. Sa Lugar na ito lamang nila mabubuksan ang lahat ng tago kong kapangyarihan at kakayahan dahil sa Hardin ng Eden maaaring magsama ang prensensiya ng aking mga kapangyarihan.
"Muli na naman akong nakaapak sa lugar na ito," nakangiting saad ni Azrael na nasa ak
