NAYA'S POV
Maghapon akong abala sa pag-aasikaso ng mga papeles namin ni Niko para sa pag-uwi namin sa Pilipinas. —pero lahat ng pagod ko ay natatabunan tuwing naiisip kong makakauwi na kami sa wakas. Makakauwi na kami sa lugar kung saan nagsimula ang lahat.
Bandang hapon, dumiretso ako sa school ni Niko para sunduin siya. Pagkalabas pa lang niya ng gate, agad siyang tumakbo papunta sa akin at niyakap ako ng mahigpit. “Mama, punta tayong mall?” tanong niya, sabay ngiti.
Hindi ko siya matiis. “Sige na nga. Pero saglit lang, ha?”
Pagdating namin sa mall, para siyang pinalaya sa hawla. Takbo dito, takbo doon. At ako? Nakasunod, bitbit ang bag niya, ang jacket, at halos hingal na. Hanggang sa may nabangga siyang babae—isang matangkad at eleganteng babae na kahit sa itsura pa lang ay halata
