NAYA'S POV
Masiglang umaalingawngaw ang tunog ng mga halakhak at pagbati sa bagong kasal. Ilang oras na mula nang matapos ang kasal nina Alice at Douglas, ngunit patuloy pa rin ang kasiyahan. Maraming bisita ang nag-uusap-usap, may ilang sumasayaw sa gitna ng dance floor, at ang iba nama’y abala sa kani-kanilang mesa.
Kakalabas ko lang ng CR. Nakita ko sa table na kasama nila Daddy at Tita Precille si Nikolai. Kaya wala akong choice kundi umupo sa kanila.
Nagtama ang mga mata namin ni Nikolai. Hindi niya inalis ang titig niya sa akin hanggang sa makaupo ako kaharap niya.
Biglang nag-flashback sa akin ang nangyari kaninang umaga.
Nakatitig lang ako sa dalawang malinaw na linya sa pregnancy test na hawak ko. Hindi ako makagalaw, hindi makapagsalita. Ilang beses kong pumikit at dumilat
