SHAYNE:
NANIGAS AKO SA kinatatayuan na napasunod ng tingin kay Collins na lumabas ng silid. Naninikip ang dibdib ko na naiwanan kaming dalawa ni Niel dito sa silid. Kahit maluwag ang espasyo ay parang napakasikip nito sa akin. Hindi ako makahinga. Sobrang bilis ng t***k ng puso ko lalo na't hawak-hawak pa rin nito ang kamay kong naninigas at nanlalamig na sa halo-halong emosyon na nadarama ko sa mga sandaling ito.
"Shayne" mahinang pagtawag nito na marahang pinisil ang kamay ko.
Napapikit akong makadama ng kakaibang boltahe ng kuryente mula sa kamay nito na lalong ikinawala ng puso ko! Hindi ako makakilos. Parang napipilan na hindi makaapuhap ng isasagot dito. Napahinga ito ng malalim na muling pinisil ang kamay ko.
"Baby. Can you look at me" pakiusap nito.
Dahan-dahan akong napapihit
