Pagsapit ng hapon ay nagtungo na kami sa soccer field upang manood na ng laro nila Luiz. Team A sila Rico at Team B naman sila Luiz. Magkalaban talaga silang dalawa na ayoko namang mangyari habang ang mga kaklase ko ay inaabangan naman nila.
Sa gitna kami ng bleachers pumwesto, pinapagitnaan ulit ako ni Ira at Janel.
“Ayan na, dumating na sila!” sabi naman ni Janel.
Umingay na rin ang paligid nang magpakita ang dalawang team. Mayamaya pa ay nagsimula na silang maglaro nang pumasok na ang referee sa field. Ang bola ay na kay Luiz, nakatuon lamang ang atensyon sa kanya at paminsan-minsang tumitingin kay Rico kapag na sa kanya naman ang bola. Palipat-lipat ang mga mata ko habang pinapanood sila.
“Lamang na sila Luiz,” narinig ko namang sabi ni Kale.
Napangiti na lang ako at napating
