Buong araw nakabusangot lang ako sa loob ng opisina ni mama kung saan si tita muna ang umaasikaso sa kompanya. Sinama niya kasi ako imbis na nakahilata ako ngayon sa kama at mahimbing na natutulog. Katatapos lang din ng meeting kanina, pinasama din ako ni tita. Nakita ko kung paano nila patakbuhin ang kompanya kahit wala si mama, everyone was dedicated to their responsibilities. Walang patapon, lahat kumikilos kaya mas lalong tumataas ang sales ng company.
Mayamaya pa ay naisipan na naming magtanghalian hanggang sa bumalik na sa opisina. Wala na akong magawa kundi ang makinig na lang sa mga kwento ni tita at magbasa ng magazine o dyaryo na nakalatag sa harap ng table.
“Tita, p’wede bang lumabas muna ako?”
“Mag-iikot ikot sa office?”
Napabuntong-hininga naman ako. “Sa labas mismo,” t
