Nagsimula na ang examination namin, hindi na ako nag pa-special exam dahil pinayagan na rin naman ako ni tita na pumunta basta matapos ko lang ang exams ko. Susurpresahin ko si mama pagpunta ko ro’n, si tito Shaun ang makakasama ko.
Dalawang araw ang examination, aral lang ako ng aral. Minsan sabay kami ni Rico na mag-review, siya ang madalas kong nakakasama dahil sila Luiz ay hindi naman mag e-exam.
“Kailan ka babalik?” biglaang tanong naman niya habang nagbabasa kami.
Nandito kami ngayon sa library, mamaya pa mag start ang exam namin sa second subject.
Nakatuon lang ang mga mata niya sa libro nang sulyapan ko siya, ibinaling ko na lang din ang tingin sa libro. “Siguro Monday kung hindi pa ako papauwiin ni mama,” tugon ko.
“Aalis ka na sa sabado, right?”
“Yeah,” sambit ko.
