“Ihahatid na muna kita sa loob bago ako umalis. Is it okay kung kina Miguel na kita ipapahatid pauwi?” tanong ni Hugo kay Belinda habang magkayakap pa rin silang dalawa. Pagkatapos ng nangyari’y wala na siya sa mood na maki-party pa. Kung tutuusin nga’y kanina pa wala sa party ang isip niya, kaya wala nang saysay na manatili pa siya rito. Napagbigyan na naman niya ang mga kaibigan niya, kaya pigilan man siya ni Miguel ay hindi na mababago ang isip niya. Ayaw pa niyang umuwi sa bahay nila dahil hindi pa niya gusto na makaharap ang anak na si Gael at si Aaliyah, ngunit ayaw rin niyang manatili rito sa party dahil baka kapag nagtagal pa siya’y mapansin na ng mga kaibigan niya na hindi naman siya nag-e-enjoy sa party.
“Sasama na ‘ko sa ‘yo. I don’t want to stay here anymore. Baka may mambasto
