“Hindi pa lasing ‘tong asawa ko, nagkakalat na agad ng kalokohan at kahihiyan,” sabi ni Donna nang lumapit ito sa kanila at ibinababa ang mga kamay ng asawang si Miguel. “Pagpasensyahan n’yo na ‘to ha? Gan’to talaga kapag pinanganak ng kulang sa buwan,” biro nito habang pigil ang ngiti.
“Kulang lang ako sa tulog, hindi sa buwan,” protesta ni Miguel sa sinabi ng asawa nito.
“At bakit ka naman napuyat?” tanong ni Hugo sa palabirong kaibigan.
“Alam n’yo na, na-miss ‘ko ‘tong si Donna,” nakangising sabi sabay yakap nang mahigpit sa tagiliran ni Donna bago pinatulis muli ang nguso at inilapit ang mukha sa asawa. Ngunit itinapat ni Donna ang palad sa mukha nito kaya sa palad ito napahalik sa halip na sa labi ng asawa. Dahil dito’y natawa silang lahat.
“Tumigil ka nga Miguel. May ibang mga bi
