Gabi na nang dumating si Hugo sa bahay. Hindi na siya umasa na sasalubungin siya ni Gael, pero hindi niya inakala na pati si Aaliyah ay hindi nag-abang sa pagdating niya. Si Minda at Aling Milagros lang ang sumalubong sa kanya pagpasok niya ng bahay.
“Manang si Gael po at Aaliyah?”
“Nando’n po sir sa taas. Nanonood pa rin po siguro ng pelikula. Pagkatapos kasing gumawa ng assignment ni Aaliyah, bumaba sila rito para magluto ng popcorn at kumuha pa ng iba pang makakain at dinala nila ro’n sa taas. Niyaya pa nga kami ni Aaliyah na sumama sa kanila sa panonood, pero may mga tinapos kami ni Minda rito sa ibaba.”
“Okay po. Salamat.”
“Sir, kakain po ba kayo? Maghahain po ba ‘ko?” tanong ni Minda sa kanya.
Umiling siya. “Kumain na kami ni Paeng. But you can ask him kung gusto niya uling kuma
