“Sir, tuyo na po pala at naplantsa ko na rin po ‘yung mga damit ni Selena. Hindi ko po alam kung saan ko ilalagay kaya nilagay ko na lang po sa cabinet n’yo. Kapag pumunta po siya rito, pakibigay na lang po sa kanya,” sabi ni Manang Elisa kay Hugo pagkatapos nilang sabay na magtanghalian.
Pagkatapos kumain ay bumalik lang sa kwarto niya si Hugo. Binuksan niya ang TV ngunit hindi niya ma-enjoy na manood mag-isa. Noon ay ayos lang sa kanya ang ganito, ngunit nang makasama na niya si Selena habang nanonood ay parang hinahanap-hanap na niya ang presensya ng dalaga. Sa huli ay pinatay na lamang niya ang TV. Kumuha siya ng libro at pinili na lamang niya magbasa. Isa ito sa mga pocket books na pinahiram ni Manang Elisa sa kanya. Kapag naiinip daw siya’y subukan niyang basahin. Matagal na ang mg
