Akay ni Selena ang kanyang mommy hanggang sa makarating sila sa kwarto. Mahigpit pa rin ang hawak nito sa braso niya na parang batang takot na malayo sa magulang.
“Mommy, nandito na po tayo sa kwarto n’yo,” sabi niya habang inaakay niya ito palapit sa kama nito. Pinaupo niya sa kama ang kanyang mommy at pagkatapos ay bumitaw siya rito.
“Huwag ka alis.” Umiyak muli ang kanyang mommy na para bang takot na takot. Humawak pa itong muli nang mahigpit sa kanyang braso habang nakaupo pa rin sa kama.
“Hindi po ako aalis,” sabi niya habang hinahaplos niya ang ibabaw ng kamay nito na nakakapit sa kanyan. “Tatanggalin ko lang po ‘yung sapatos n’yo, para makaupo kayo nang maayos sa kama.”
“Hindi ka alis? ‘Di mo ‘ko iwan?”
Ngumiti si Selena kahit na nangingilid na muli ang mga luha niya. “Hindi
