Kung anong bilis ng pagbulusok pagbaba ng magandang pangalan ni Hugo ay siya ring bilis ng pag-iiba ng ihip ng hangin matapos mabalita ang tungkol sa pagkakahanap sa bangkay ni Aaliyah. Ang mga tagahanga ni Hugo na tinalikuran siya matapos ang ginawa niyang pag-amin ay biglang nagsibalik at nakiramay sa panahon ng matinding pagdadalamhati niya.
Bukas para sa lahat ng nais makiramay ang burol ni Aaliyah. Dagsa ang mga tao, at hindi na malaman kung sino ang mga tunay na nakikiramay at kung sino ang mga nakikiusyoso lamang. Ngunit wala nang pakialam dito si Hugo. Ang nais na lamang niya ay mabigyan nang maayos na libing si Aaliyah. Sa huling pagkakataon ay nais ni Hugo na ibigay ang nararapat para sa dalaga. Gusto niyang makita nang lahat kung gaano niya kamahal si Aaliyah.
Kulay white, s
