Luhaan na nagising si Hugo at nakita niya ang sarili na wala na sa parking area ng mall sakay ng kanyang sasakyan, kundi nasa loob na siya ng isang kwarto ng ospital, nakahiga sa kama at may suwero na nakatusok sa kanyang kamay.
Napatingin siya sa kanyang kaliwa at nakita niyang may sweater na nakasampay sa sandalan ng upuan na nasa tabi ng kanyang kama, at kung hindi siya nagkakamali ay sweater ito ni Minda. Kulay dilaw ito na manipis na knitted na sweater. Tanda niya ito, dahil ito ang sweater na suot ni Minda ng araw na ilibing si Aaliyah.
Nang magising si Hugo, hindi niya maintindihan kung bakit luhaan siya at napakabigat ng pakiramdam niya sa kanyang dibdib. At nang makita niya ang sweater ni Minda at maalala niya si Aaliyah, ay biglang nagbalik sa kanyang isipan ang kanyang panagi
