“Sir Hugo, pasensya na po sa pagdating po namin nang walang pasabi. Nagpasama po kasi si Selena sa ‘kin dito. May gusto raw po siyang sabihin sa inyo,” sabi ni Lemuel sa kanya habang ang tingin niya’y hindi mawala sa magandang babaeng katabi nito na labis talaga ang pagkakahawig kay Aaliyah.
Nakasuot ngayon ang dalaga ng kulay dilaw na dress na off shoulder at may manipis na tirante at may disenyo na maliliit na mga bulaklak. Suot muli ng dalaga ang puting sandals nito at sun hat, at may hawak itong picnic basket na hindi niya alam kung ano ang laman dahil may takip ito.
“H-hi, I’m Selena. D’yan lang ako nakatira,” para bang nahihiyang sabi nito habang nakaturo sa direksyon ng lupain na nasa tabi lamang ng kay Hugo na mas lamang ang laki kung ikukumpara sa pagmamay-ari niya.
Alam niya
