Pagdating ni Hugo sa bahay ay tulog na ang mga kasambahay nila. Nang silipin niya si Gael ay tulog na ito sa kwarto nito at ganoon din si Aaliyah. Pumasok siya sa kanyang kwarto. Hinubad niya ang kanyang damit hanggang sa pinakahuling piraso at inilagay niya ito sa laundry basket na nasa loob ng banyo. Hubo’t hubad siyang naglakad papunta sa ilalim ng shower. Binuksan niya ang shower at bumuhos sa kanyang katawan ang maligamgam na tubig. Sinabon niyang mabuti ang kanyang katawan. Alam niyang ang amoy lamang ni Belinda na dumikit sa kanya ang magagawang alisin nito at hindi ang kasalanan niya kay Aaliyah. Ang tagal niyang nagsabon at nagbanlaw ng katawan. Pagkatapos ay nagsipilyo pa siya at nag-mouthwash kahit na hindi naman mabubura nito ang ginawa niyang paghalik hindi lamang sa mga labi
